Një polic ka rrezikuar jetën e gazetares Anila Hoxha dhe operatorit që e shoqëronte, duke i shtyrë dhe rrëzuar në buzë të greminës. Incidenti ndodhi me efektivët e policisë që kishin rrethuar zonën ku ishte vrarë dhe hedhur biznesmeni Ruzhdi Hoxha që u gjet sot i pajetë. E pranishme në të njëjtin vend, për të filmuar dhe për të bërë kronikën e saj, gazetarja Hoxha është përballur me një polic që u soll vrazhdë. Polici e ka ndërsa gazetarja po merrte gjërat e punës po i kalonte në anën tjetër të shiritit.
Gazetarja shihet që ngrihet nga vendi ku ra, buzë greminës në të cilën rrezikoi të përfundonte dhe i drejtohet efektivit në fjalë duke i kërkuar llogari për gjestin e bërë.
“Polic je ti ore…Nuk je polic. Nuk ke faj ti, faj kanë ata që të mbajnë në punë. Do të denoncoj. Shtyu operatorin. Ça është ky rrugaç more. Më hodhe në humnerë more. Nuk po bëja asgjë. Nuk po bëja asgjë. Unë jam njeri që nuk i sulmoj policët. Po qëndronim te shiriti. Na hodhi në humnerë more. Na shtyu të dyve,”- dëgjohet të thotë gazetarja.
Kolegët e tjerë e kanë ndihmuar dhe e kanë shoqëruar gazetaren pas incidentit. Ky nuk është rasti i parë që policia pengon gazetarët të kryejnë detyrën e tyre. Dy muaj më parë një gazetar u detyrua të shtrihej në tokë dhe të kërcënohej nga Forcat Operacionale të Policisë. Çështja është akoma në nën hetim për “shpërdorim detyre” dhe veprime “arbitrare”.
Discussion about this post