Mëngjesin e sotëm një punonjës sigurie i spitalit të Gjakovës është sulmuar fizikisht duke pësuar disa lëndime fizike.
Lajmin e ka bërë të ditur vetë administrata e spitalit në një status në faqen zyrtare, ku për rastin është njoftuar dhe policia dhe organet kompetente.
Njoftimi:
“Sot rreth orës 2.20 të mëngjesit, është sulmuar fizikisht në vendin e punës punëtori i sigurimit të spitalit, nga ana e disa personave të pandërgjegjshëm. Personi i sulmuara ka pësuar lëndime të rënda trupore dhe është duke e marr trajtimin e duhur mjekësorë. Për rastin në fjalë është njoftuar edhe policia dhe presim që të ndërmerren veprimet e nevojshëm nga organet kompetente, që sulmuesit të marrin dënimin e merituar. Menaxhmenti i Spitalit dënon ashpër sulmin duke shpresuar që rastet si ky mos të përsëriten, dhe personeli të ndjehen të sigurt ne vendet e tyre të punës”.
