Spitali rajonal i Shkodrës ka regjistruar 147 urgjenca mjekësore në 72 orët e para të vitit 2022. Që nga djegiet me fishekzjarrë, e deri tek përdorimi i tepërt i alkoolit e virozat e stinës, urgjenca mjekësore ka përballuar këto ditë një fluks të shtuar pacientësh.
Rastet në urgjencë janë nga djegiet me fishekzjarrë që ishin 7 të tilla, një prej të cilëve në gjendje të rënduar, e deri tek intoksikimet si pasojë e abuzimit me alkoolin, ku u paraqiten rreth 40 raste.
Në këto 72 orë rekordin e mbajnë virozat, me mbi 100 vizita në 12 orë. Ervisa Avdyli, mjeke e shërbimit të urgjencës në spitalin rajonal të Shkodër, thotë se ato me shenja të ngjashme si Covid, mjekët i referojnë në repartin Infektiv. Përzierja e virozave të stinës me koronavirusin, ka bërë që situata e krijuar të jetë kaotike, pasi shumica e tamponëve dalin negativ.
“Janë paraqitur shumë gjendje virale të cilat i adresojë te Urgjenca e Infektivit, shumica dalin tampon negativ, ndërsa rastet pozitive adresohen në kryeqytet për tu ndjekur më tutje” – u shpreh Avdyli.
Mjekët këshillojnë që në këtë periudhë janë ato të shmangies së grumbullimeve dhe konsulta me mjekun, pasi festimet do të japin efektin e tyre duke shtuar rastet që paraqiten në spitale. Moshat që paraqiten janë mikse, që nga fëmijët, të rinjtë e deri tek të moshuarit.
Discussion about this post