Që në nisje të protestës, militantët e Partisë Demokratike u filmuan në mes të turmës, duke u përfshirë në një përplasje verbale me qytetarët në tentativë për t’i përçarë. Ishte thirrja “Berisha në burg”, që solli përplasjen mes dy grupeve me tone të ashpra në mes të turmës, ndërsa qytetarët iu kthyen në kor të rinjve demokratë të FRPD me përgjigjen: opozitë e shitur, PD jashtë, opozita jemi ne. Anëtarja e FRPD, Desada Xhetani pretendoi se u provokuan nga aktivistët e Arlind Qorit, i cili ishte po ashtu ishte në protestë.
“Të rinjtë e FRPD-së u provokuan nga aktivistët e Arlind Qorrit, të cilët erdhën aty me megafona duke na etiketuar: Këta janë të rinjtë e FRPD-së dhe të largohen nga këtu”, tha Desada Xhetani.
Ndikimi i Shkelzen Berishës në protestë nuk u mjaftua me kaq. Ai arriti që t’iu mbyllë fjalimet qytetarëve duke derguar nje gazetar te Syri Tv. Pas disa fjalimeve të pakta në numër, gazetari i Syri Tv u ngjit në podium me thirrjen “poshtë mikrofoni” dhe pas këtij momenti vetëm 2 aktivistë morën fjalimet dhe protestuesit nisën me marshimet.
“Unë jam këtu sot për të thënë që jam kundër këtij mikrofoni”, tha gazetari, ndërsa një pjesë e turmës brohoriti “fike mikrofonin”.
Mbyllja e mikrofonit ndaj protestuesve u dirigjua edhe nga aktivisti Andi Tepelena i cili menaxhonte fjalimet. Që në fillim të protestës Tepelena deklaroi se ndryshe nga herët e tjera, kur fjalimet kanë zgjatur gati nga 4 orë, sot do të mbaheshin më pak fjalime nga personalitete të shkencës, arsimit dhe kulturës, të cilat dukshëm ishin më të shkurtra se zakonisht.
“Sot s’do të mbahen fjalime të gjata. Kanë ardhur ankesa të panumërta, sa më pak fjalime, slogane dhe parulla: dorëheqje! Pas 5 fjalimeve shumë të shkurtra, sheshi është i qytetarëve!”, tha aktivisti i lidhur me fondacionin Soros, Andi Tepelena.
Anëtarja e Senatit Akademik të Universitetit të Tiranës dhe zëvendëskryetarja e Foruminit Rinor të Partisë Demokratike, Desada Xhetani, ka dalë në një deklaratë publike për lajmin e konfrontimit të disa të rinjve demokratë në protestën e mbajtur sot në Tiranë kundër ndërtimit të resortit luksoz në Zvërnec.
Xhetani thotë se të rinjtë e FRPD-së nuk debatuan me qytetarë të thjeshtë në protestë, por me anëtarë të Lëvizjes Bashkë së Arlind Qorit, pasi, sipas saj, këta të fundit i sulmuan të acaruar nga thirrja: Poshtë komunizmi!
“Të rnjtë e FRPD-së u provokuan nga aktivistët e Arlind Qorrit, të cilët erdhën aty me megafona duke na etiketuar: Këta janë të rinjtë e FRPD-së dhe të largohen nga këtu. Ju them të gjithëve, se kjo është protestë për Shqipërinë. Kjo është protestë për Kombin. Kjo është protestë për Zvërnecin, për Nartën, për gjithë Shqipërinë. Kjo është protestë për Onkologjikun dhe për gjithë shqetësimet që e trazojnë kombin tonë dhe Shqipërinë tonë. E vetmja thirrje që i shqetësoi aktivistët dhe Arlind Qorin ishte thirrja: Poshtë komunizmi”,- deklaron Xhetani.
gijotina.com/
Discussion about this post