Komisioni i Disiplinës dhe Etikës pranë FSHF-së ka dhënë vendimin, si asnjëherë tjetër, në lidhje me sjelljen e tifozëve gjatë sfidës që Shqipëria fitoi 2-0 përballë Polonisë në “Air Albania”. Kështu është marrë masa e përjashtimit për pesë tifozë të evidentuar, të cilët nuk do të kenë mundësinë të ndjekin nga afër veprimtaritë e organizuara nga FSHF, UEFA e FIFA për një periudhë të pakufizuar kohe.
VENDIMI:
Pasi u njoh me relacionin e Sekretariatit Teknik, korrespondencën me policinë e shtetit lidhur me aktet e dhunës në ndeshjen Shqipëri – Poloni të zhvilluar më datë 10.09.2023, ku janë konstatuar shkelje të parashikimeve ligjore të nenit 48 e vijues të Ligjit 79/2021 “Për Sportin” si dhe pasi shqyrtoi dokumentacionin e paraqitur dhe diskutoi çështjet në tërësi duke u bazuar edhe në nenet 66 të statutit të FSHF , Nenit 59 e vijues të KDE,
VENDOSI:
- Të ndalojë hyrjen në stadiumet e futbollit të Republikës së Shqipërisë ku zhvillohen veprimtari të organizuara nga FSHF, UEFA e FIFA për një periudhë të pakufizuar kohe personave të më poshtëm:
– Gerti Lleshi
– Rinor Grajveci
– Edmond Hyseni
– Almir Dubovci
– Berat Maloku
- Në bazë të Nenit 7 të KDE, udhëzohen të gjithë anëtarët e FSHF të cilët kanë nën administrim stadiume futbolli, të garantojnë zbatimin e këtij vendimi.
- Një kopje e këtij vendimi t`i përcillet Policisë së Shtetit.
Discussion about this post