Të shtëna me armë zjarri janë raportuar mbrëmjen e së dielës në Dhërmi, duke shkaktuar alarm te pushuesit dhe banorët e zonës.
Ngjarja ka ndodhur rreth orës 19:30, ndërsa, sipas informacioneve paraprake, të shtënat janë regjistruar gjatë një feste të organizuar në një jaht.
Deri më tani nuk ka të dhëna të konfirmuara për persona të lënduar, ndërsa motivi i incidentit mbetet ende i paqartë.
Pas njoftimit, në zonë kanë mbërritur forca të shumta të Policisë së Shtetit, të cilat kanë rrethuar vendngjarjen dhe kanë nisur veprimet hetimore për zbardhjen e plotë të rrethanave.
Grupi hetimor po administron prova, po merr dëshmi nga personat e pranishëm dhe po kryen kontrolle për identifikimin e autorit ose autorëve të dyshuar.
Njoftimi i Policisë:
Himarë/Informacion paraprak
Rreth orës 21:00 është njoftuar se nga një jaht në det, përballë Palasës, dyshohet se është qëlluar me armë zjarri në ajër. Menjëherë pas marrjes së njoftimit, shërbimet e Policisë Kufitare dhe të Njësisë Policore Detare janë vënë në ndjekje të jahtit.
Njëkohësisht, janë njoftuar edhe shërbimet e Komisariatit të Policisë Himarë dhe të Stacionit të Policisë Dhërmi, të cilat po kryejnë kontrolle nga toka përgjatë vijës bregdetare.
Vijon ndjekja e mjetit lundrues, me qëllim verifikimin e informacionit dhe dokumentimin e plotë të ngjarjes. Në përfundim të operacionit për ndalimin e jahtit dhe të veprimeve të para hetimore do të jepet informacion i plotë për rastin.
gijotina.com/
Discussion about this post