Deputeti Flamur Noka tërhoqi vëmendjen gjatë seancës së sotme plenare teksa u përfshi në një incident me një nga operatorët e televizioneve që ndjekin punimet e Kuvendit.
Në një moment Noka hodhi në drejtim të operatorit Parid Dado broshurën e rrëgullores së Kuvendit, me pretendimin se ai po xhironte një bisedë në celular të ish-kryeministrit Sali Berisha.
Veprimi i Nokës u pasua nga një vërejtje që drejtuesja e seancës Lindita Nikolli i bëri deputetit.
Pak orë pas këtij incidenti, Noka i ka kërkuar ndjesë operatorit duke i thënë se ishte një keqkuptim.
Bashkangjitur postimi, ai ka ndarë edhe disa foto ku shihet duke përqafuar operatorin.
“Një ndjesë miqësore kameramanit Parid Dado për keqkuptimin e paradites”, shkruan Noka.
Discussion about this post