Lëvizja Vetëvendosje është distancuar nga ngjarja e ndodhur në Korçë gjatë performimit të Goran Bregoviç, ku u hodh gaz lotsjellës.
“Duke marrë parasysh “lajmet” që po qarkullojnë në disa portale lidhur me gazin lotsjellës të hedhur mbrëmë në koncertin e Goran Bregoviçit në Korçë, sqarojmë për opinionin publik se kjo nuk është organizuar nga Lëvizja VETËVENDOSJE!. Qëndrimet tona për këtë koncert dhe për këngëtarin në fjalë janë bërë publike në aksionin me banderolë të organizuar në Korçë në datën 19 gusht 2021”, shprehet në reagimin e saj Vetëvendosje.
Reagimi erdhi pas incidentit në Korçë, ku qytetarët hodhën gaz lotsjellës në momentin që Bregoviç doli në skenë. Ky incident shkaktoi panik tek qytetarët, ndërkohë që policia ka arrestuar një person si autor të dyshuar të ngjarjes.
