Reali i Madridit mori “hak” ndaj Benfikës, duke triumfuar me rezultatin 0-1, në duelin e parë të raundit të 1/16-ve të Champions-it. Goli spektakolar i Vinicius Zhunior në minutën e 50-të, i siguroi fitoren e artë skuadrës së Arbeloas.
Pasi shënoi golin 1-0 kundër Benficës, sulmuesi i Real Madridit, Vinicius, i raportoi gjyqtarit se kishte marrë fyerje raciste nga një lojtar kundërshtar, duke treguar nga Prestianni.
Braziliani më pas u drejtua në stol: fillimisht, ai debatoi me trajnerin e Benficës, Mourinhon, pastaj u ul në stolin e Real Madridit, sikur të tregonte se nuk donte të rifillonte loja. Gjyqtari i ndeshjes, francezi Francois Letexier, më pas aktivizoi protokollin anti-racizëm të FIFA-s, duke demonstruar vendimin e tij në stadium duke ngritur krahët në formën e një “X”.
Ndeshja u ndërpre, por më pas rifilloi: kaluan 10 minuta midis golit të Vinicius dhe rifillimit. Që nga ajo kohë, braziliani u prit me fishkëllima shurdhuese për çdo prekje të topit.
Ky nuk ishte i vetmi incident, teksa në minutën e 85-të, Zhoze Murinjo u përjashtua me dy kartonë të verdhë nga arbitri për protesta të ashpra dhe ofendime.
Në fund madrilenët arritën të kurorëzonin marrjen e fitores, teksa nuk iu mbetet gjë tjetër veç se të menaxhojnë këtë epërsi në ndeshjen e kthimit.
BENFIKA – REAL MADRID 0-1
Vinicius Zhunior 50′
GOLI I VINICIUS ZHUNIOR: VIDEO
gijotina.com/
Discussion about this post