Deputetja e PD-së, e dalë nga zgjedhjet e 25 prillit, Jorida Tabaku ka reaguar lidhur me publikimin e indeksit të Dhomës Amerikane të Tregtisë për 2020 rënien është shënuar rënia më e madhe e besimit në ekonomi nga bizneset amerikane që nga 2012.
Tabaku thotë se ky është sinjalizimi i një krize të fortë besimi që nuk duhet të anashkalohet.
“Rënia më e madhe e besimit në ekonomi, 37.6 % bizneseve amerikane mendojnë që ekonomia do ecë për mirë, niveli më i ulët që kur indeksi u krijua ne 2012.
Raporti i fundit i AmCham është një sinjalizim i një krize të thellë besimi që nuk mund të anashkalohet me debate të pasinqerta, as me propagandën e ditës.
Kjo ka sjellë dhe rënien e besimit të biznesit në ekonomi, pasi indeksi ka shkuar në 37.66 duke prekur nivelin më të ulët që nga 2012.”- tha ajo
Ndër arsyet që kanë sjellë këtë nivel të ulët besimi, Tabaku përmend taksat e larta, korrupsionin, monopolin dhe oligarkinë.
“ – 60% e bizneseve të intervistuara janë kundër sistemit të taksave dhe tatimeve të ngritura nga qeveria. E konsiderojnë të pandershëm dhe jo të drejtë.
– Taksat e larta dhe të padrejta prodhojnë një sistem të korruptuar ku nuk është më i miri që përfiton por më i pandershmi.
– Ekonomi e centralizuar dhe komanduar nga oligopolet dhe monopolet. Indeksi i një ekonomie jo të lirë por të qeverisur nga monopolet dhe oligopolet është përkeqësuar pasi ky indikator është i tretë në renditje dhe më i përkeqësuari.”- u shpreh Tabaku
Për Tabakun, zgjidhja e vetme është ndryshimi i kursin në ekonomi, por ajo thotë e bindur se qeveria dhe mazhoranca aktuale nuk kanë për ta bërë këtë.
