Krahas COVID-19, duket se India është duke u përballur me një tjetër situatë tjetër problematike, e cila ka të bëjë me ndotjen e ajrit.
Smogu i tepërt i cili po përhapet kudo nëpër Delhi, ka bërë që shkollat të mbyllen për një javë.
Vendimi është njoftuar nga kreu i qeverisë së shtetit indian Arvind Kejriëal.
“Institucionet nuk do të hapen për të parandaluar rrezikun me të cilën mund të përballen fëmijët për shkak të ajrit të ndotur”, ka thënë ai.
Të dhënat treguan se nivelet e ndotjes arritën në 437 në një shkallë prej 500, sipas Indeksit të Cilësisë së Ajrit.
Rrugët janë boshatisur pasi pjesa më e madhe e banorëve kanë qëndruar në shtëpi, për të mos ekspozuar veten.
Discussion about this post