Numri i lartë i infektimeve me Omicron po sjell probleme në vendin tonë, pasi po shfaqen të prekur edhe në shkolla. Shumë të infektuar janë regjistruar në shkollën profesionale bujqësore “Irakli Tërova” në Korçë. Për këtë arsye është vendosur që ky institucion prej datës 18 deri në 28 janar nuk do të funksionojë.
Sipas të dhënave, mësimi do të kryhet online, ndërkohë që përveç rasteve të mësuesve të infektuar janë edhe disa prej nxënëseve. Drejtori i kësaj shkolle shprehet se kanë qenë të detyruar për këtë vendim, pasi mbi gjysma e stafit pedagogjik është e infektuar. Madje dyshohen se janë infektuar 20 nxënës. “Kemi infeksione në stafin mësimor ku nga 11 mësues ose personel mësimdhënës, 5 janë të infektuar duke bërë analizat kanë dalë pozitiv”, tha drejtori Adrian Sheremeni për euronews.
Në shkollat e qarkut të Korçës të infektuar me COVID-19 janë 30 mësues dhe mbi 100 nxënës. Ditët e fundit juglindja e vendit është duke u përballur me një numër të lartë infektimesh jo vetëm në institucionet arsimore, por edhe në administratën publike.
Discussion about this post