Varianti “Delta” ka rritur numrin e të infektuarve në vend që nga fillimi i gushtit dhe kjo ka vënë në panik qytetarët. Por, si në valën e parë edhe në këtë tani kanë ndodhur shumë raste kur e gjithë familje është infektuar nga koronavirusi, por një pjesëtar nuk është prekur.
Hipotezat kanë qenë nga më të ndryshmet, duke filluar nga e ka kaluar pa simptoma” ose “ ka imunitet të fortë”. Por detaje më te qarta mbi këtë jep infektologu Hamdi Ramadani.
Ai tregon se, mikroorganizmat e shumtë çdo ditë përpiqen të na sulmojnë dhe shpesh të na mposhtin. Ne kemi mukozën tonë, mukozën, glikoproteinat, ato imitojnë receptorët e organizmit tonë dhe duke i mashtruar lidhen me virusin dhe më pas ne i dëbojmë.
“Kur koronavirusi hyn në trup, ka disa mënyra me të cilat ne luftojmë kundër tij. Fillimisht, limfocitet B që vijnë nga palca e eshtrave mund të sulmojnë drejtpërdrejt virusin dhe të fillojnë të prodhojnë antitrupa.
Kur virusi hyn në një qelizë, ne kemi një mekanizëm tjetër që vepron nëpërmjet makrofagëve ose qelizave dendritike që e gëlltisin, e copëtojnë dhe ua dorëzojnë atë limfociteve T. Ato luajnë një rol të madh, sekretojnë shumë molekula bioaktive që stimulojnë të gjithë sistemin imunitar. Qelizat citotoksike nuk kanë nevojë për shumë ndihmë, ato menjëherë e sulmojnë virusin dhe e shkatërrojnë atë”, sqaron ai.
Ndërsa shprehet se, për të njëjtën arsye ndodh që vaksina të mos krijojë anti- trupa, duke qenë se në një farë forme ajo është virus i lehtë që injektohet në trupin tonë.
E.H/ gijotina.com/
