Guvernatori i Bankës së Shqipërisë, Gent Sejko, ka paralajmëruar ditën e sotme se inflacioni vazhdon të rritet dhe si pasojë çmimet e ushqimeve po ndjekin të njëjtin trend. Në një deklaratë për mediat ai tregoi se për muajin qershor, inflacioni regjistroi rritje të ndjeshme, në këto kushte parashikohet se edhe çmimet në treg do të vazhdojnë me rritje të mëtejshme.
Sakaq, ai bëri me dije se në këto kushte Banka e Shqipërisë rrite normën e interesit me 1.75% nga 0.5% që vazhdonte prej gati 2 vitesh. Ndërsa theksoi se marrja e huave nga bankat kanë shënuar rritje gjatë muajve qershor dhe korrik, duke theksuar se qytetarët marrin më shumë kredi për shtëpi dhe shëndet.
“Këshilli Mbikëqyrës i Bankës së Shqipërisë vazhdon të vlerësojë se nivelet e larta të presioneve inflacioniste janë rreziku primar mbi rritjen e qëndrueshme dhe afatgjatë të vendit. Për këtë arsye, në respektim të objektivit të stabilitetit të çmimeve, Këshilli Mbikëqyrës vendosi: të rrisë me 0. 5 pikë përqindjeje normën bazë të interesit, nga niveli 1.25% në nivelin 1.75%; të rrisë me 0.5 pikë përqindjeje normën e interesit të kredisë njëditore, nga niveli 2.25% në nivelin 2.75%; të rrisë me 0.5 pikë përqindjeje normën e interesit të depozitës njëditore, nga niveli 0.25% në nivelin 0.75%”, tha Sejko
Discussion about this post