Në takimin me Kryesinë, lideri i Partisë Demokratike Sali Berisha ka sulmuar ashpër kreun aktual të qeverisë, Edi Ramën. Sipas Berishës, Rama nuk ka as njohuritë më elementare, dhe e ka shndërruar energjinë në bixhozin më të madh në botë. Ndër të tjera, kryetari i Partisë Demokratike tha se Rama do të tatojë pronarët e HEC-eve, duke rikthyer taksat e jashtëzakonshme të vitit 1946.
“Tirana futet në 3 vendet me qeratë më të larta në Europë. Se i rrit droga. A e dini ju se në 8 muaj janë prodhuar 3.74 terravat. 100% nevoja e vendit, por këta hajdutë për të mbushur xhepat shesin me çmimet mesatare dhe i blejnë jashtë burse. E kanë shndërruar energjinë në bixhozin më të madh në botë. Imagjino ku kemi. Në krye të vjedhjeve është qeveria. I ka 280 mln euro borxh entit të qeverisë. Sot lajmëronte se prodhuesit do ktheheshin tek taksa e jashtëzakonshme. Atavist. Prodhuesit e energjisë kanë investuar, se kanë fat thotë. Nuk ka njohurinë më elementare. Duhet të nxjerrin investimin njëherë. Njëri me koncepte rudimentare. Fitim mund të kenë ata, por duhet të nxjerrin investimin që kanë bërë në HEC. Të gjithë e dinë se ajo periudhë është jetike. Tani do u kthejë taksat e 46-ës, taksat e jashtëzakonshme. Nesër do takohem me krerët e degëve të Tiranës për të ndarë detyrat dhe të angazhohemi në një veprimtari shumëplanëshe. Nuk shtyhen më protestat”, deklaroi Sali Berisha ndër të tjera.
Discussion about this post