Drejtuesit e zyrës së Mjedisit Elbasan janë vënë në hetimin e Prokurorisë, për shkak se nuk po bëjnë si duhet punën e tyre. Dhe për më tepër, ata kanë injoruar urdhrin e prokurorisë dhe prej 4 muajsh vijojnë mos t’i kthejnë përgjigje organit në fjalës lidhur me çështjen penale e regjistruar në muajin Shtator.
Prokuroria njofton se i ka dërguar 3 herë shkresa zyrtare nga prokuroria, me qëllim marrjen e shifrave zyrtare të nivelit të ndotjes, por deri në këto momente ku kanë kaluar më shumë se 3 muaj, askush nga zyrtarët që kanë për detyrë t’i kthejnë përgjigje organit të akuzës nuk kanë denjuar ta bëjnë zyrtarisht.
Kujtojmë se, hetimet në lidhje me ndotjen në qytetin e Elbasanit nisën pas shqetësimeve të banorëve të zonës ku fabrikat industriale punonin orar pa orar dhe në kushte që ndotin mjedisin.
Discussion about this post