Insigne largohet pas 10 vitesh nga Napoli

Insigne i la dhënë lamtumirën  klubit të Napolit, pasi mori një ofertë të parezistueshme nga Toronto.

Sulmuesi është larguar nga skuadra ku kaloi 10 vitet e fundit të karrierës së tij për të kaluar në MLS. Ai nuk gjeti gjuhën e përbashkët për të rinovuar me Napolin dhe për këtë arsye vendosi të zgjedhë të largohet.

Toronto i ka ofruar kontratë pesë vjeçare për të cilën ai do të përfitojë 9,5 milionë euro në sezon, një shifër që nuk mund të refuzohej nga lojtari raporton ‘Sportmediaset’.

Kjo është një ndarje e dhimbshme për të dyja palët, pasi ai është një nga ikonat e klubit të Napolit dhe një nga emrat më të dëshiruar nga tifozët e kësaj skuadre./K.T/Gijotina.com