Teksa u përball me hetuesit, biznesmeni Pecorelli ka treguar detaje nga inskenimi i zhdukjes së tij në Pukë të Shqipërisë.
Biznesmni ka pranuar që ka kryer dhe krime në Shqipëri teksa zbulon se për 8 muaj është fshehur në një komunitet priftërinjsh në Medjugorje të Bosnje-Hercegovinës.
“Kam kaluar tetë muaj në një komunitet priftërinjsh pranë Medjugorje. Në Shqipëri kam kryer edhe krime. Por unë i thashë gjithçka prokurorit Petruzzelli dhe prokurorit Cantone, ata do t’i bëjnë të ditura detajet”- tha Pecorelli.
Në dëshminë e dhënë para prokurorëve të Perugias gjithashtu tha se nuk kishte asgjë për të fshehur më nga historia e tij.
“Unë nuk kisha asgjë për të fshehur. Kam kryer gjithsesi krime, për të cilat do të flasë prokurori. Pjesa e parë e historisë është tragjike, por unë nuk do të jem ai që tregoje “,- shtoi ai.
Pecorelli e ndjen se mund të ndëshkohet dhe garanton se nuk ka për të qenë më biznesmen në Itali.
“Ajo që është e sigurt – tha Pecorelli – është se unë kurrë nuk do të jem një sipërmarrës në Itali përsëri. Nëse do t’i bëja të gjitha këto për sigurim? Jo, unë kam një policë jete për tridhjetë vjet, sigurisht që nuk kam nevojë të arrij deri këtu”.- tha Pecorelli.
Theksojmë se 45-vjeçari u zbulua nga autoritetet e ishullit ku gjendej në Itali, pasi iu dogj motori i gomones që kishte marrë me qira. Pecorelli u identifikua përmes shenjave të gishtërinjve, pasi bazuar në dokumentet e reja që kishte, rezultonte shtetas rumun. Nesër ai do të merret në pyetje.
