Një ditë pasi përfaqësuesit e Komisionit Hetimor për inceneratorët dolën në terren dhe inspektuan nga afër punën e inceneratorit të Fierit, ka ardhur një reagim nga nënkryetarja e PD, Jorida Tabaku.
Tabaku shkruan në Facebook se dje qytetarët panë se inceneratori i Fierit nuk ishte funksional, nuk përpunohej asnjë mbetje ndonëse ka marrë të gjithë pagesën nga qeveria, dhe duhet të kishte përfunduar tre vite më parë.
“Dje, qytetarët panë se inceneratori i Fierit nuk ishte funksional, nuk përpunohej asnjë mbetje ndonëse inceneratori ka marrë të gjithë pagesën nga qeveria. Ndërkohë që duhet të kishte përfunduar 3 vite më parë! Ndërsa live gënjehej për 180 ton mbetje që “përpunoheshin” shqiptarët shihnin godina të bojatisura por pa asnjë funksion. Deputetët dhe mediat e panë me sytë e tyre atë godinë që është realisht një vepër krimi pasi aty nuk përpunohet asgjë. Kontratë korruptive, dhe mbi 28 mln euro të dhuruara Klodian Zotos dhe bandës së grupit të strukturuar kriminal”, tha Tabaku.
Sipas deputetes demokrate, kjo vepër është në kundërshti me direktivat e BE-së, dhe që do të jetë sipas KLSH me humbje në fund të ditës, pasi vetëm në vitin e parë që do të merret në pronësi nga shteti do t’i shtohet kostoja prej 7.2 mln eurosh.
Discussion about this post