Bashkia Tiranë po shfrytëzon fondet e këtij viti vetëm për propagandën e Lali Erit me biçikleta. Pasi shpenzoi miliarda lekë për korsi biçikletash, për të cilat punimet vazhdojnë dhe nuk fund, Lali Eri do të blejë biçikleta për vartësit e tij. Pak ditë më parë ai ka hapur tenderin me objekt “Blerje Biçikleta për Inspektoratin e Mbrojtjes së Territorit, Bashkia Tiranë”. Për të cilin ka lënë në dispozicion fondin prej 65 milionë lekësh. Kontrata është mbyllur më 27 mars 2023. Dhe fituese është shpallur firma A.K.M ALBANIAN INVESTMENT GROUP shpk me ofertë 64 milionë lekë.
Në fakt, që këtu fillon abuzimi i bashkisë. Sepse tenderi është dhënë pa garë. Në dokumente tregohet se firma tjetër është skualifikuar në fazën e parë me argumentin se nuk ka paraqitur dokumente që tregojnë se ka bërë dhe më herët furnizime me biçikleta.
Me këtë lëvizje Veliaj la në garë vetëm firmën A.K.M ALBANIAN INVESTMENT GROUP shpk, në pronësi të Ardit Krajës. Kështu, pa u lodhur biznesmeni në fjalë mori kontratën dhe po xhiron 64 milionë lekë për 50 biçikleta.
Sipas një llogaritje të thjeshtë aritmetikore rezulton se një inspektor do të pajiset me një biçikletë që kushton 1 milionë e 280 mijë lekë.
Çfarë janë këto biçikleta apo motorë?
Familje në Tiranë nuk sigurojnë dot shpenzimet e nevojshme jetike, kurse inspektorët do të hipin në biçikleta elektrike!
E pritshme që këto biçikleta të kushtojnë kaq shumë, sepse sikur përcaktohet në dokument, “biçikleta duhet të punojë me tension 36V, fuqia Minimalisht 250ë, fuqia tërheqëse Minimalisht 28Nm, Eficenca min. 80%, i përshtatshëm për rrota me diametër 28”, niveli i zhurmës më i vogël se 55dB”. Po ashtu, kërkohet të ofrojnë shpejtësi maksimale lëvizje prej të paktën 25km/h dhe autonomi lëvizje prej minimalisht 20km.
Sakaq, në këtë pikë lind pyetje: Ku do të shkojnë miliarda lekë që Veliaj i ka vënë në tenderët për naftë, që parashikonin të furnizojë makinat e vartësve të tij?!
Nuk është edhe aq e vështirë, të gjithë e dimë që punonjësit e Veliajt lëvizin me fuoristrada. Ose tenderi për naftë ose ky i biçikletave është kontratë e panevojshme!
Lexo edhe:Spahia në gjurmët e Voltanës, 68 mln lekë për korsinë e biçikletave
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post