Për të distatën herë qeveria del blof në deklarata e saj për ekonominë. Pas rritjes së pensioneve, ritmit të rritjes së ekonomisë, këtë herë gënjeshtrat e thëna dolën edhe për turizmin. Në korrik të këtij viti, ish-ministri i Turizmit Blendi Klosi tha i bindur se me planet e qeverisë turizmit për 2021 jo vetëm që do të marrë veten por do të kalojë edhe ritmet e parakrizës. “Më 10 qershor ne patëm charterin e parë turistik në Evropë, pra i pari charter u ul në Shqipëri. 12 chartera nga Bjellorusia dhe Ukraina, por edhe Polonia, erdhën në Shqipëri këtë verë. Besoj se 2021 përsëri do të rikthehet në një vit të jashtëzakonshëm për turizmin shqiptar. Unë kisha informacion që viti 2020 do të ishte një vit ‘uauu’ për Shqipërinë. Dhe kam bindjen se edhe 2021 do të jetë vit i jashtëzakonshëm, nëse maksimumi deri në prill hapet loja e prenotimeve dhe rezervimeve”, deklaroi ministri asaj kohe.
Ndërsa pak javë më parë ishte ministrja aktuale e Turizmit, Mirela Kumbaro, ajo e cila vazhdoi retorikën e Klosit, duke thënë se peshën kryesore e ka mbajtur përsëri Kosova me rreth 50% të numrit të turistëve. Turistët gjermanë, polakë, malazezë, italianë dhe ata nga SHBA rigjetën Shqipërinë si destinacion dhe numri i tyre po u afrohet shifrave të vitit 2019 me rreth 15-20% më pak, po me një rritje të ndjeshme krahasuar me 2020, gati 35% më shumë.
Por, të dyja këto deklarata bien poshtë nga të dhënat më të fundit të publikuara nga INSTAT, i cili thekson në një raport të fundit se vërtetë turizmi kaloi shifrat e 2020, por ende mbetet në krizë dhe nuk iu rikthye dot normaliteti. Në raport thuhet se, për periudhën qershor-korrik në 2019 në Shqipëri hynë 4.772.328 turistë të huaj, për të njëjtën periudhë në vitin 2019 hynë 3.302.232 turistë të huaj, pra mbi 30% më pak. Ndër të tjera, në këtë raport evidentohet se këtij sezoni turistik i munguan turistët anglez, amerikanë e skandinavë, për shkak të kufizimeve anti-covid. Gjithashtu, humbje e madhe u regjistrua edhe nga turistët grekë, të cilët kanë mbajtur deri vonë kufizimet në kufi me Shqipërinë.
Raporti, përmes anketës së realizuar me bizneset, vë në dukje se turizmi vuajti dhe vazhdon të vuaj pandeminë, madje gjatë këtij viti nuk ka pasur fare hapësirë për rikuperim për shkak të orës policore dhe mungesës së subvencioneve. Në këtë anketë, bizneset janë shprehu se nuk kanë shpresë që gjendja e tyre do të përmirësohet, duke u shprehur se sezoni turistik në vend vijon te jetë i cunguar për shkak se nuk ka një strategji të mirëfilltë për tërheqjen e turistëve në sezonin e dimrit, duke shtuar këtu faktin se operatorët zhvillojnë aktivitetin me masa mbrojtëse dhe me orar të kufizuar.
INSTAT tregon se, 92% e bizneseve të anketuara nuk kanë besim se do të përmirësohen, madje 51% e tyre shprehen se kanë rrezik të falimentojnë, prandaj i kërkojnë qeverisë më shumë mbështetje dhe lehtësime. E.H/gijotina.com/
Discussion about this post