Institutit i Statistikave raporton se familjeve shqiptare të ardhurat mujore nuk iu mjaftojnë as për konsum bazë. Në raportin e publikuar INSTAT tregon se, paga mesatare në Shqipëri ka shkuar në 56.710 lekë, por asnjë përmirësim pozitiv për qytetarët. Duke marrë shkas nga rritja e fundit e çmimeve për produktet bazë, në krahasim me rrogën mesatare, konstatohet se jetesa e familjeve shqiptare është bërë më e shtrenjtë.
Nëse do marrim edhe statistikat e inflacionit për vitin 2020, çmimet vjetore u rritën përkatësisht me 1.6%, ndërsa këtë vit inflacioni arriti kulmin në gusht me 2.4%.
Rrjedhimisht, ky indeks në rritje përkthehet në rritje të çmimit të produkteve ushqimore dhe shërbimeve të tjera dhe kjo ua bënë më të vështirë atyre përballimin e nevojave bazike. Sipas INSTAT, Pra me rrogat mesatare të sotme familjet shqiptare e kanë të vështirë të kursejnë edhe 10 mijë lekë.
Kjo problematikë vlen për familjet me rroga mesatare, ndërsa ata me rroga minimale të cilët marrin në total 80 000 lekë i duhet të ndërpresin disa shpenzime mujore për të përmbushur nevojat bazike.
Edhe më e vështirë bëhet situata për këtë vit. 2021 ka sjellë edhe rritjen e çmimeve për të gjitha produktet bazë, për shkak të mungesave në tregun ndërkombëtar, gjë e cila pritet ta bëjë edhe më të vështirë për një familje në Shqipëri që të kursejë para
