Sektori i Transportit dhe ai shërbimeve kanë rritur në shifra rekord çmimet gjatë muajit tetor. Në të dhënave të publikuar për çmimet e muajit që lamë pas rezulton se çmimet janë rritur në çdo produkt konsumi dhe shërbimi, por kafenetë, restorantet mbajnë vendin e parë.
Sipas INSTAT, Indeksi i Çmimeve të Konsumit, që mat ndryshimin vjetor, për kategorinë e Kafe – restorante (catering), ishte 1.9% në tetor. Kjo është rritja më e lartë vjetore e çmimeve që prej 7 vitesh. Konkretisht, INSTAT konstaton se çmimi i kafesë në bare është rritur mesatarisht me 10 apo 20 lekë.
Sakaq, bëhet me dije se, Indeksi i Çmimeve të Konsumit në tërësi për muajin tetor 2021, arriti 102,7kundrejt muajit Dhjetor 2020. Ndryshimi vjetor i indeksit të çmimeve të konsumit në muajin Tetor 2021 është 2,4 %, një vit më parë ky ndryshim ishte 2,0 %. Ndërsa ndryshimi mujor i indeksit të çmimeve të konsumit në muajin tetor 2021, krahasuar me shtator 2021 është 0,1 %.
Ndërsa sipas grupeve në veçanti evidentohet se, rritja vjetore e çmimeve në muajin tetor është ndikuar kryesisht nga grupi “Ushqime dhe pije joalkoolike” me +1,33 pikë përqindje, pasuar nga grupi “Transporti” me +0,36 pikë përqindje. Nuk mbeten pas edhe çmimet e grupit “Qira, ujë, lëndë djegëse dhe energji” me +0,24 pikë përqindje. Çmimet e grupit “Komunikimi” me+0,10 pikë përqindje dhe çmimet e grupit “Argëtim dhe kulturë” me +0,09 pikë përqindje. Ndërsa, çmimet e grupeve “Veshje dhe këpucë” dhe “Hotele, kafene dhe restorante” kanë kontribuar me +0,08 pikë përqindje secili.
Sakaq, të dy sektorët, si transporti edhe baret e restorantet kanë paralajmëruar që, nëse nuk marrin mbështetje nga qeveria çmimet do vazhdojnë të rriten, për shkak se nuk po mund të marrin veten pas pandemisë.
E.H/gijotina.com/
Discussion about this post