Pak kohë pas vendimit të qeverisë për të mbyllur kopshtin turk “Zubeyde Hanim” në Tiranë, komuniteti i prindërve të këtij instituconi arsimor i ka dërguar një letër ambasadave të huaja.
Ky veprim vjen sepse ministrja e Arsimit dhe Sporteve Evis Kushi dha urdhër për mbylljen e shkollës më 15 shtator 2022. Akti më pas u publikua në Fletoren Zyrtare të Shqipërisë më 20 shtator 2022.
Heqja e licencës bëhet për shkak të konstatimit të shkeljeve të rënda të legjislacionit në fuqi, që përbëjnë mosplotësim të kushteve të licencimit. Kopshti në fjalë ushtron aktivitetin në një godinë, për të cilin nuk është marrë miratimi nga ministri përgjegjës për arsimin dhe institucioni përkatës i licencimit.
Discussion about this post