Me anë të një statusi në Facebook, deputeti i Partisë Demokratike, Ervin Salianji nga Korça ka dhënë mesazhin se demokratët duan bashkim të sinqertë. Salianji shkruan se me demokratët e Korçës u diskutua për problemet me të cilat po përballet familja jone politike.
“Demokratët duan bashkim të sinqertë. E diel e bukur mes demokratëve të lagjes 8 Korçë, që njësoj si çdo qytetar shqiptar po kalojnë ditë të vështira, shkaktuar nga një krizën e thellë ekonomike që vendi po përballet! Diskutuam hapur dhe me qetësi edhe problemet që po kalojmë brenda familjes sonë politike! Demokratët kanë kthjelltësinë të lexojnë realitetin dhe të ofrojnë zgjidhje edhe atëherë kur debatet që importohen nga Tirana duken pa zgjidhje!” – shkruan Salianji.
Ai shkruan se demokratët janë gati të bashkohen, por ky bashkim duhet të jetë i vërtetë. Sipas tij instrumenti i vetëm që mund të për bashkoje edhe ndasitë më të forta është vota.
“Demokratët janë gati të bashkohen, por ky bashkim duhet të jetë i vërtetë. Sigurisht që instrumenti i vetëm që mund të përbashkojnë edhe ndasitë më të forta është vota. Ndaj edhe çdo procesi njëanshëm është i dëmshëm, çdo proces duhet t’i bëjë bashkë demokratët në çdo grupseksion, seksion, degë! Vetëm nga procese reale dhe pa emërime do të mund të arrijmë bashkimin!” – përfundon Salianji.
Discussion about this post