Pak ditë më parë, deputetët e LSI dhe të Rithemelimit në Kuvend, përfshirë dhe ish kryeministrin Sali Berisha kërkuan mocion me debat urgjent me kryeministrin Edi Rama në Kuvend për deklaratën e tij se Shqipëria do ndryshojë kurs nëse në qershor nuk hapen negociatat e anëtarësimit.
Por ndonëse e firmosi kërkesën publikisht pata mediave, kreu i grupit parlamentar socialist Taulant Balla zbuloi sot se kërkesa është paraqitur në Kuvend pa firmën e Berishës duke e ironizuar për qëndrimin e tij.
“Ky është reflektim i madh e ju përshëndes që keni hequr dorë nga kërkesa me firmën e non gratës se e dini që ajo refuzohet menjëherë. Dua ta falenderoj propozuesin që në kërkesën që kanë depozituar ne Kuvend nuk është kërkesa që ka qarkulluar në media se nuk është firma e non gratës. Dhe pse në media ka qarkulluar një kërkesë tjetër me firmën e tij ky është reflektim i madh e ju përshëndes që keni hequr dorë nga kërkesa me firmën e non grates se e dini që ajo refuzohet menjëherë. Ky është hap i madh e keni kuptuar që mos sillni më kërkesa. Nuk do miratohet kjo kërkesë nga ana jonë. E para më vjen keq që nuk keni kuptuar asgjë, e dyta nëse doni instrument parlamentar për t’u sqaruar për këtë çështje keni mundësinë të përdorni interpelancën, seancën e pyetjeve por mocion me debat për këtë çështje se Shqipëria në rast se në qershor nuk do mbahet konferenca e parë ndërqeveritare për shkak të vetos së Bullgarisë, Shqipëria të ketë të drejtë të kërkojë ndarjen nga Maqedonia e Veriut kjo është në të drejtën tonë”, tha Balla.
Nga ana tjetër, Balla ka ironizuar zgjedhjen e Sali Berishës në krye të PD-së. Nga foltorja e Kuvendit, ai deklaroi se dje PD-ja shënoi fitoren historike kundër amerikanëve. Duke përdorur tone ironie, Balla deklaroi se ditën e djeshme kishte 3 gara, Manchester City me Liverpool, Milani me Interin dhe Berisha me Elezin.
Discussion about this post