Kancelari gjerman Olaf Scholz tha se do të udhëtojë në Ballkanin Perëndimor përpara se takimi i Këshillit Europian të mbahet muajin e ardhshëm dhe të vendoset nëse do të bëhet hapja e negociatave me Shqipërinë dhe Maqedoninë e Veriut.
Sipas Reuters, Scholz i tha ligjvënësve në Berlin të mërkurën se gjashtë vendet e Ballkanit Perëndimor me aspirata për anëtarësim në BE, Mali i Zi, Serbia, Shqipëria, Maqedonia e Veriut, Bosnje-Hercegovina dhe Kosova janë përfshirë në procesin e reformave shumëvjeçare.
“Nderimi i angazhimeve tona ndaj tyre nuk është vetëm një çështje e besueshmërisë sonë. Sot më shumë se kurrë, integrimi i tyre është gjithashtu në interesat tona strategjike,”- tha ai.
Një muaj më parë kryeministri jonë Edi Rama udhëtoi drejt Gjermanisë dhe takoi Scholz, ai gjithashtu e ftoi kancelari që të vizitonte Shqipërinë. Edhe ish kancelarja gjermane Angela Merkel vizitoi vendin tonë pak para largimit nga posti.
Discussion about this post