Kryeministri Edi Rama ka dalë në një konferencë të përbashkët me Komisionerin e BE për Zgjerimin, Oliver Varhelyi në kuadër të vizitës zyrtare që ky i fundit po zhvillon në Shqipëri.
Para gazetarëve, Rama deklaroi se ne takim ka theksuar se integrimi dhe hapja e negociatave lidhet me ngërçin e krijuar nga vetoja e Bullgarisë për Maqedoninë e Veriut. Rama tha se ka informuar Varhelyin për Këshillin Kombëtar, që në rast se gjendja mbetet e pandryshuar edhe në këtë 6 mujor që ka Presidencën Franca, Shqipëria mund të ndahet nga Maqedonia.
“Deri në këtë takim të Këshillit Evuropian ne jemi që të dy vendet bashkë të hapen negociatat. Kemi diskutuar edhe për projektet e mëdha. Varhelyi ka ardhur dje nga Maqedonia dhe e ka parë vetë se distanca është e shkurtër dhe ka qenë mbështetës për korridorin 8 në rrjetin Europian. Pas këtij udhëtimi është edhe më i bindur dhe së shpejti ka ministrial të transportit në kuadër të BE të merret vendimi për investimin në Korridorin 8. Me mbështetje nga BE.” tha Rama.
Vizita zyrtare e Varhelyi në Shqipëri vjen në kuadër të turit të takimeve në Ballkan. Takimet do të nisin më 25 prill ndërsa do të përfundojnë më datë 28, në Tiranë. Përveç Tiranës, Komisioneri i Bashkimit Evropian për Zgjerimin vizitoi, Shkupin dhe Sofjen.
Discussion about this post