Shërbimet e inteligjencës ruse planifikuan një fushatë që synonte të ndërhynte në procesin e anëtarësimit të Finlandës dhe Suedisë, por edhe të shkaktonte fërkime mes këtyre dy vendeve dhe Turqisë. Kjo është raportuar sot nga transmetuesi finlandez Yle, duke cituar një raport sekret të inteligjencës. Plani zbulohet në një memo të shkruar nga një oficer i inteligjencës ruse dhe së pari u zbulua në Qendrën për Dosjen e Gazetarisë Hulumtuese, cituar nga Yle.
Dokumentet, të cilat erdhën në zotërim të Yle, i referohen planeve të fushatës në Suedi dhe Finlandë. Qendra Dossier pretendon se dokumentet që disponon, thonë se inteligjenca ruse po nxiste protesta si pjesë e kësaj fushate në Paris. Hulumtuesi-gazetar Ilya Rozdestvenski e informoi Yle për këto dokumente.
Në këto dokumente përmendet në mënyrë specifike se incidentet e djegies së Kuranit në Suedi kanë shkaktuar tensione në marrëdhëniet me Turqinë dhe janë bërë rekomandime për organizimin e ngjarjeve që synojnë përkeqësimin e mëtejshëm të tensionit. Kjo në thelb është duke nxitur demonstrata në vendet evropiane me slogane që përmbanin fyerje të drejtpërdrejta ndaj presidentit turk Rexhep Tajip Erdogan, si dhe krijimin e grafiteve me përmbajtje anti-islame dhe antiturke. E gjithë kjo sipas udhëzimeve duhej të kanalizohej në rrjetet sociale. Në dokumentin, një ekstrakt të të cilit publikohet nga Yle, ky veprim quhet “Plani Anti-Erdogan”.
“Dossier” pretendon se ka marrë akses në një raport të bashkëpunëtorëve të inteligjencës ruse që i referohet një aksioni të tillë që u zhvillua në Paris në mars të vitit 2023. Në atë kohë, një sërë demonstratash me slogane anti-islame dhe kritika ndaj Erdoganit kishin marrë vend.
Inteligjenca finlandeze konfirmoi për Yle se ata ishin në dijeni të planeve të tilla që po hartoheshin në Rusi, por theksuan se nuk kishin asnjë provë që ato po ndodhnin në Finlandë.
Turqia, pas hezitimeve fillestare, ra dakord për pranimin e Finlandës në NATO në prill të këtij viti. Suedia, megjithatë, është ende në pritje të miratimit nga qeveria turke për t’u bashkuar me NATO-n.
Sipas Rozdensvensky, shërbimet e inteligjencës ruse u përpoqën të ngadalësojnë procesin e anëtarësimit të këtyre dy vendeve në NATO, por ata u fokusuan kryesisht në Suedi. Sipas vlerësimit të gazetarit të “Dossier”, bëhet e ditur se shërbimet sekrete ruse “kërkojnë të nxisin në Evropë konflikte mes zonave apo grupeve etnike, përshkallëzimin e të cilave mund të aktivizonin”.
Discussion about this post