Inter fiton ndaj Atalantës së Gjimshitit, ka minuta edhe për Asllanin

Inter fitoi 2-1 në transfertë ndaj Atalantës, ku Gjimshiti e nisi si titullar.

Në takimin e luajtur në Gewiss Stadium (Bergamo), zikaltrit morën 3 pikë të plota, edhe pse në 45 minutat e para të takimit Atalanta dominoi lojën, por pa arritur të ndëshkojë portën e mbrojtur nga Sommer.

Në fundin e pjesës së parë, Darmian tregohet mjaft i zgjuar, duke i vjedhur “kohën” portierit Musso, me arbitrin që vendos për penallti në favor të skuadrës nga Milano.

Pavarësisht protestave, gjyqtari Sozza e konsideroi të palejueshme ndërhyerjen e “gardianit” ndaj mbrojtësit italian. Nga pika e bardhë realizoi Calhanoglu, duke kaluar zikaltrit në avantazh.

Në fillimin e pjesës së dytë Lautaro dyfishoi shifrat me një goditje të bukur, por djemtë e Gasperinit u kundërpërgjigjën menjëherë me të zakonshmin Scamaça.
Lookman i shkoi afër barazimit, por Sommer me pritjen e tij i mohoi golin.

Te interi, Asllani u aktivizua 5 minutat e fundit.