Kristjan Asllani, mesfushori kuqezi, do të aktivizohet nga minuta e parë në ndeshjen që do të luhet mbrëmjen e sotme mes Interit dhe Genoa.
Kjo është ndeshja e tretë radhazi si titullar e Asllanit me fanellën e Interit, duke iu dhënë kështu sot një shans i artë për të treguar vlerat e tij.
Sa i takon rreshtimit, përpara Sommer është vendosur Augusto, De Vrij dhe Pavard. Në mesfushë, përveç shqiptarit, janë Dumfries, Barella, Mkhitaryan dhe Dimarco. Sulmi përbëhët nga Lautaro-Sanchez.
Në krahun tjetër, te Genoa do kërkojnë surprizën, ndaj një kundërshtari që nuk i ka të domosdoshme pikët, pasi Interi kryeson me diferencë të qartë kampionatin.
Në portë është Martinez, sakaq prapavija formohet nga Bani, Vasquez dhe Winter. Mesfusha është mjaft e dendur, nuk mungon ish-lojtari i Milanit, Messias. Sabelli, Badelj, Frendrup dhe Martin janë të zgjedhurit për mesfushën. Retegui dhe Gudmundsson kanë një detyrë të vështirë, të çajnë një mbrojtje të fortë si të Interit.
INTER (3-5-2): Sommer; Pavard, De Vrij, Carlos Augusto; Dumfries, Barella, Asllani, Mkhitaryan, Dimarco; Sanchez, Lautaro.
GENOA (3-5-2): Martinez; De Winter, Bani, Vasquez; Sabelli, Messias, Badelj, Frendrup, Martin; Gudmundsson, Retegui.
Discussion about this post