Interi ka zyrtarizuar transferimin e Yann Sommerit, por është çështje kohe edhe prezantimi i portierit të dytë. Sipas raportimeve nga Gianlucca Di Marzio dhe Fabrizzio Romano, zikaltrit kanë siguruar marrëveshjen me Emil Auderon. Portieri i Sampdorias do të kalojë në Milano në formë huazimi me të drejtë blerjeje.
Ky transferim shërben si një asist për Etrit Berishën. Në mediat italiane është përfolur se drejtuesit e Sampdorias kanë piketuar portierin shqiptar në rast të largimit të Auderos.
Tashmë ky i fundit do të jetë pjesë e Interit, duke i hapur kështu rrugën e transferimit Etrit Berishës. Emil Audero, portieri i ri i Interit në marrëveshje huazimi me klauzolën e opsionit të blerjes. Ai do të jetë opsion rezervë për Yann Sommer, portierin e parë.
Discussion about this post