Klubi i Inter është duke kërkuar për një sulmues, pasi dëmtimi i Sanchez është një pengesë e madhe për ta.
Së fundi nga mediat italiane raportohet se ‘Zikaltërit’ e pëlqejnë shumë Luka Joviç dhe për këtë do të fillojnë bisedimet me Real Madridin, ku lojtari serb nuk po gjen minuta aktivizimi.
Për italianët është shumë e rëndësishme të bëjnë një afrim të tillë duke ditur se koha e rikuperimit të Sanchez është shumë e gjatë dhe për shkak të moshës dhe përgatitjes fizike nuk dihet se kur do jetë në gjendjen e tij optimale.
Tashmë Inter ka në dispozicion vetëm tre sulmues, Lautaron, Correan dhe Dzekon, ndërsa me raste i ndihmon edhe Perisic, megjithatë kjo pjesë e skuadrës nuk është duke dhënë rezultatet e pëlqyeshme./K.T/Gijotina.com
Discussion about this post