Skuadra e Interit po kërkon një mesfushor të talentuar pasi turku Çalhanoglu nuk po bind me paraqitjet e tij. Mediat italiane shkruajnë se trajneri Simone Inzagi ka piketuar mesfushorin e Manchester United, Van De Bek. Holandezi nuk bën pjesë në planet e trajnerit Solskjaer dhe largimi nga “Old Trafford” është çështje kohe. Ish-futbollisti i Ajaksit nuk ka qenë asnjëherë titullar tek anglezët ku u transferua një vit më parë.
Interi nuk është i gatshëm të paguajë klauzolën e mesfushorit dhe kërkon ta huazojë. Për lojtarin do të ishte një sfidë interesante të vishte fanellën e rëndë të kampionëve të Italisë teksa United pritet të mos nxjerrë pengesa për 24 vjeçarin. Interi kërkon konfirmimin në kampionatin italian dhe drejtuesit janë në kërkim të pasurimit të organikës por pa shpenzuar shumë të majme në merkato.
