Mesfushori shqiptar i Interit, Kristjan Asllani shikohet si e ardhmja e klubit edhe pse në sezonin e sapo përfunduar nuk kishte besimin e Inzagh-it, i cili nuk ka preferuar ta aktivizojë shumë shpesh.
Vetë klubi me anë të një postimi në rrjetet sociale ka hapur një sondazh për mesfushorin e Kombëtares tonë.
“Sezoni i parë si zikaltër dhe dy trofe në dollap. Sa zemra ka për Kristjan Asllanin”, është postimi që klubi zikaltër ka publikuar në rrjetet sociale.
Në një postim me 10 foto të momenteve më të bukura, Asllani ka marrë me mijëra komente dhe bie në sy fakti se të gjithë e mbështesin dhe kërkojnë që të ketë më shumë minuta.
Asllani shkëlqeu së fundmi edhe me Kombëtaren e Shqipërisë ku në transfertën ndaj Ishujve Faroe, gjeti rrugën e rrjetës me një supergol nga distanca, që fitoi çmimin “Goli i javës”.
Discussion about this post