Pas trajnerit Simone Inzaghit, klubi i Interit të Milanos ka nisur punën për të rinovuar me një tjetër titullar.
Federico Dimarco, i cili në dy sezonet e fundit ka rritur performacat e tij dhe është shndërruar në titullar të padiskutueshëm në krahun e majtë.
Kontrata e italianit skadon në 2026-ën dhe anësori përfiton një pagë prej 1.8 milionë eurosh në sezon.
Interi ka bërë ofertën e pare, rinovim deri në 2028-ën dhe pagë 2.5 milionë euro, ndërsa agjentët e mbrojtësit kanë kërkuar 3.5 milionë euro në sezon.
Distanca është e konsiderueshme, por vullneti i palëve për të vijuar bashkë rrugëtimin, mund të bëjë që marrëveshja të arrihet për një shifër të mesme. Interi synon që të marrë firmën e Dimarcos brenda muajit shtator dhe të blindojë krahun e majtë./SSA
Discussion about this post