Inter ia doli këtë mbrëmje të fitojë bindshëm ndaj Cagliarit, në ndeshjen që përfundoi me rezultatin surprizë 4-0.
Skuadra e Inzaghit arriti të rikthehet ‘frikshëm’ në krye të renditjes së përgjithme të Seria A, në përballjen ku duhet të kalonin 30 minuta për tu shënuar goli i parë.
Lautaro Martinez ishte autori i golit të parë, që i asistuar më së miri nga Calhanoglu zhbllokoi rezultatin e këtij takimi. Epërsia e Interit mund të dyfishohej në fundin e pjesës së parë, por Martinez do të gabonte me një penallti, me shifrat që u mbyllën në 1-0.
Pjesa e dytë do ta gjente sërish të mobilizuar Interin, ku Sanchez, Calhanoglu dhe sërish Martinez do të shënonin duke i dërguar shifrat totale të kësaj përballje në 4-0.
Në përfundim të javës së 17-të të Seria A, inter pozicionohet në krye të Seria A, me 40 pikë, i ndjekur nga Milan me vetëm një pikë më pak.
Discussion about this post