Çështja e shiritit të kapitenit të Interi është një temë e nxehtë, sidomos pas konfirmimit të largimit, te Paris Saint Germain, të atij që ishte deri në janar kapiteni, lideri dhe ikona e gjysmës zikaltër të Milanos, Milan Skriniar
Këtë sezon shiriti i kapitenit tek Inter ka “shëtitur” gjithashtu në shpatullën , Samir Handanoviç por edhe Lautaro Martinez.
Duket se nga sezoni i ardhshëm shiriti i kapitenit do të qëndrojë vetëm me Lautaro Martinez pasi është ai i përzgjedhuri i shoqërisë zikaltër, por edhe tifozerisë. Kjo është ajo që bëhet me dija nga mediat në Itali.
“El Toro” po kalon një formë të shkëlqyer aktualisht teksa shënon çdo 109 minuta, ndërsa vetëm në vitin 2023 ia ka dalë ta gjejë rrugën e rrjetës në tetë raste.
Kështu, klubi kërkon t’i japë më tepër besim, por mbi të gjitha ta blindojë sa i takon merkatos duke njohur interesin e madh që vjen për argjentinasin nga klubet më elitare të Europës.
Kontrata e 25-vjeçarit me Inter përfundon në vitin 2026 teksa prej verës së vitit 2018, Lautaro është pjesë e Inter duke u shndërruar në një idhull për tifozerinë e Stadiumit “Meazza”.
Discussion about this post