Simone Inzaghi ka rinovuar kontratën me Interin. Trajneri nga Piacenza, në vitin e tretë radhazi në pankinën e Nerazzurrëve (nuk ka ndodhur që nga Roberto Mancini që një trajner të drejtonte Interin për kaq gjatë), ka nënshkruar deri në vitin 2025, duke e zgjatur kështu me një vit akordin.
Inzaghi duhej të skadonte në fund të sezonit, por çështja e rinovimit nuk u trajtua kurrë me nxitimin: ka pasur gjithmonë qëllimin nga të dyja palët për të vazhduar së bashku.
Njoftimi vjen gjatë pushimit të kombëtareve, pasi Interi nisi me sprint në kampionat me nëntë pikë të fituara, tetë gola të shënuar dhe asnjë të pësuar.
Derbi është në horizont, Nerazzurrët do të arrijnë atje me një trajner të rinovuar dhe të vendosur në vendin e tij në stol: në dy vjet Inzaghi ka sjellë katër trofe (dy herë Superkupën dhe po aq herë Kupën e Italisë) dhe zvarriti Interin në finalen e Champions League, humbi kundër Manchester Cityt në Stamboll.
Tani duhet të arrijnë goditjen e madhe: Scudetton dhe yllin e dytë. Inzaghi gjithnjë e më shumë lider i Nerazzurrëve: rinovimi është një shpërblim për punën e bërë deri më tani.
Discussion about this post