Një tjetër goditje e ulët, nga kjo stinë e mallkuar. Joaquin Correa nuk gjen dot qetësi dhe problemi muskulor që e ndaloi të merrte pjesë në duelin Inter-Milan menjëherë më pas kishte emër e mbiemër. Ekzaminimet instrumentale në fakt kanë evidentuar një problem të muskulit të këmbës së djathtë dhe, edhe nëse gjendja e tij do të rivlerësohet në javët në vijim, përshtypja është se ndalesa mund të jetë rreth një muaj.
Me një llogaritje të thjeshtë kohore ka shumë gjasa (nëse dëmtimi nuk shkakton probleme ekstra) që rikthimi të jetë në fillim të marsit, një javë para ndeshjes
në 1/8 e Champions League në Porto. Pas ndeshjes europiane do të ishte derbi italian ndaj Juventusit dhe më pas pushimi kushtuar ekipeve kombëtare. Me pak fjalë, rreziku është që Tucu të rikthehet për dy muajt e fundit të sezonit: përkundrazi, pauza mund të sugjerojë kujdes në rast se problemi nuk zgjidhet plotësisht.
Një vit e gjysmë pas ardhjes së tij në Milano nga Lazio, thashethemet për lamtumirën e tij po shtohen, kryesisht sepse pavarësisht investimit ekonomik argjentinasi nuk ka arritur kurrë të tregojë cilësitë që Simone Inzaghi kishte parë në Romë. Trajneri ka qenë gjithmonë tifoz i Correas, por si lojtar i dëmtuar nuk ka asnjë shans që argjentinasi të blihet përfundimisht nga Inter.
Discussion about this post