Interi është ndalur në barazim në Torino përballë vendasve në një ndeshje me protagonist absolut portierin e përfaqësueses shqiptare, Etrit Berisha. Skuadra e Inzaghit ndalet në transfertën me Torinon ku më shumë se barazimi, duhet thënë se ishte një paraqitje e shëmtuar, totalisht pa sens nga kampionët në fuqi që vuajtën së tepërmi mungesën e Brozoviç.
Me një pjesë të parë me meritë në avantazh me Bremer në minutën 12’, Interi tenton të përgjigjet por has në pritjet fantastike të Etrit Berishës, sonte titullar. Madje dy herë gardiani kuqezi evitoi golat për vendasit duke mbajtur të pathyer portën. Pjesa e dytë më shumë se reagim nga skuadra e Inzaghit ishte një konfirmim i konfuzionit në lojën e tyre dhe vetëm në shtesë, Alexis Sanchez i shërbyer në zone arrin të shënojë duke i dhënë një pike Interit që gjithsesi është shumë pak.
Discussion about this post