Deputetja demokrate Oriola Pampuri duke iu referuar mbledhjes së Grupit Parlamentar në selinë blu, është shprehur se nuk mund të pretendohet për bashkim, “teksa po zhvillohet një proces i njëanshëm.”
“Ka kryetarë dege që s’janë ftuar në mbledhje. Ka anëtarë që s’janë ftuar. Dhe kjo ka qenë tema bazë e diskutimit nga pjesa më e madhe e Grupit Parlamentar sot”, është shprehur Pampuri.
Në një bisedë në “Radari Informativ”, Pampuri theksoi se bashkimi i PD-së është në interes të gjithë qytetarëve ndërsa shtoi se në 6 mars, nga PD nuk ka pasur asnjë fitues.
Ndërsa, duke u ndalur te përplasjet mes dy grupeve, ajo theksoi se Lulzim Basha e bëri një hap pas duke treguar se nuk ishte aty për interesin e karriges. Të njëjtën gjë, sipas saj, duhet të bëjë edhe Sali Berisha.
“Basha e tregoi që nuk ishte për interesa personale. Të ketë nga të dyja palët. Kemi ushtruesin e detyrës së kryetarit, Alibeaj… Nuk ka rëndësi çfarë bëhet në atë post, rëndësi ka çfarë bëhet me qytetarët.”
E pyetur nëse do të marrë pjesë në Kuvendin e 30 prillit, deputetja demokrate tha se ai kuvend duhet të stopohet dhe të nisë një proces tjetër gjithëpërfshirës.
Discussion about this post