Lecce i tregon Interit që sërish nuk do të jetë e lehtë në Serie A. Klubi i rikthyer në Serie A për pak e ndali skuadrën e Simone Inzaghit, që vetëm në shtesë ia doli ta çonte duelin në 2-1.
Romelu Lukaku që në minutën e dytë të ndeshjes arriti të shënonte me një goditje me kokë dhe u mendua se aty mori fund gjithçka.
Interi sigurisht vazhdoi të dominonte me lojë dhe raste, e pristhme, por në fund kanë vlerë golat dhe një të tillë e shënoi Lecce me Cessay në fillim të pjesës së dytë.
Përpjekjet e Interit në vazhdim u shpërblyen vetëm në shtesë, në aksionin e fundit. Pas një goditjeje nga këndi, Dumfries e çoi topin në rrjetë dhe i dha fitoren skuadrës së tij.
Torino ndërkohë i ka treguar Monzës se zhurma në merkato nuk mjafton për të fituar ndeshjet në Serie A. “Demat” triumfuan 2-1 në transfertë, me gola të Miranchuk dhe Sanabria. Për vendasit realizoi në shtesë Dany Mota.
Lecce-Inter 1-2
Cessay 48’ / Lukaku 2’, Dumfries 90+5’
Monza-Torino 1-2
Dany Mota 90+5’ / Miranchuk 43’, Sanabria 66’
Discussion about this post