Inter del me tre pikë nga transferta e Olimpicos, me zikaltërit që mposhtën 0-1 Romën, në një sfidë emocionuese.
Bonny ndezi shumë shpejt festën mysafire, që në minutën e gjashtë, me një gol mjaft të bukur. Në pjesën e dytë, vendasit u përpoqën që të reagojnë duke krijuar disa raste të pastra shënimi, që gjithsesi nuk u përkthyen në gol.
Dominimi i zikaltrëve në “Stadio Olimpico” është i padiskutueshëm: 11-2 është golavarazhi total në këto pesë sfida të fundit ndaj verdhekuqve në fushën e tyre.
Ky sukses e konfirmon Interin si një nga skuadrat më të frikshme jashtë fushe në Itali, me efikasitet të lartë dhe mbrojtje të hekurt. Ekipi i Kristian Kivusë ka arritur të kombinojë qetësinë taktike me shfrytëzimin maksimal të rasteve, duke e kthyer “Olimpicon” në një territor të preferuar. Një tjetër provë e forcës dhe stabilitetit të “gjarprit” milanez, që po vazhdon marshimin e tij drejt kreut të Serisë A.
Të besuarit e Chivu renditen në vendin e parë me 15 pikë, po aq sa Roma.
gijotina.com/
Discussion about this post