Mbrojtësi sllovak Milan Skriniar, i premtuar tashmë te PSG, ka bërë që Interi të punojë me intensitet të lartë për të gjetur zëvendësuesin e tij.
Një tentativë u bë që në janar për francezin e Bayernit, Benjamin Pavard, megjithatë rekordmenët gjermanë refuzuan, duke shtyrë gjithçka për në verë.
Pikërisht Pavard është objektivi primar i italianëve, që do të provojnë duke ofruar 20 milionë euro.
Në favorin e milanezëve është edhe fakti që kontrata e francezit me Bayernin skadon në verën e 2024-ës dhe një vit më herët, bavarezët nuk mund të pretendojnë shuma të mëdha. Një tjetër alternativë, që gjithashtu vjen nga Bundesliga, është francezi i Eintracht Frankfurt, Ndicka, i cili në verë do të jetë lojtar i lirë.
Megjithatë problem mbetet fakti që Ndicka është mëngjarash dhe jo fort i përshtatshëm për krahun e djathtë të mbrojtjes me tre që përdor Inzaghi. Alternativa e fundit, por jo më pak e rëndësishme është ajo e portugezit të Lille, Djalo, por këtu problem mbeten pretendimet e francezëve, që kanë çuar çmimin e tij në 35 milionë euro, shifër kjo jashtë parametrave të zikaltërve.
Discussion about this post