Interi ka zyrtarizuar largimin e njërit prej lojtarëve që ishte i preferuari i trajnerit Simone Inzaghi, aq sa dhe kur nuk ishte në formë, fitonte balotazhin në mesfushë me disa nga kolegët e tij, ndër ta dhe Kristjan Asllanin.
Interi përshëndet dhe falënderon Roberto Gagliardinin, kontrata e të cilit ishte pranë skadimit. “Duke u bashkuar me Nerazzurrët në janar 2017 nga Atalanta, Roberto Gagliardini largohet nga Interi pasi ka luajtur 190 ndeshje, në të cilat shënoi 16 gola.
Ai fitoi një Scudetto, 2 Superkupa Italie dhe 2 Kupa të Italisë. Sezonin e kaluar ai arriti gjithsej 29 paraqitje duke qenë pjesë e grupit që ngriti në qiell Superkupën e Italisë, fitoi kundër Milanit në Riad dhe Kupën e Italisë, në triumfin në Romë ndaj Fiorentinës. Përshëndetje dhe falënderime për Gagliardinin nga e gjithë familja e Interit”.
Discussion about this post