Interi është nisur sot drejt Japonisë, si pjesë e turneut aziatik që do të kryejnë zikaltrit në fazën përgatitore për sezonin e ri, ku bien nësy ndeshjet në program, ndaj PSG dhe Al Nassr.
Skuadra do të shkojë në Lindjen e Largët për këtë turne dhe për shumë lojtarë zikaltër, kjo është hera e parë që bëjnë një udhëtim të tillë.
Një prej tyre është edhe Kristjan Asllani, i cili dukshëm ka qenë i entuziazmuar për këtë vizitë të tij. Dhe mënyrën se si e përjeton udhëtimin e ka treguar edhe shoku i skuadrës, Hakan Calhanoglu, i cili ishte ulur përkrah mesfushorit shqiptar në avion.
“Ky po shkojmë?”, i drejtohet Çalhanoglu shqiptarit. “Në Japoni”, ia kthen duke buzëqeshur ai. “A do vish?”, vazhdon Asllani. “Po”, përgjigjet duke qeshur mesfushori turk, i cili ka publikuar këtë dialog të shkurtër në rrjetet sociale.
Discussion about this post