Pas humbjes së hidhur në Champions League kundër Liverpoolit, Inter reagoi fuqishëm në javën e 15-të të Serie A, duke mposhtur Genoan 2-1 në stadiumin “Luigi Ferraris” dhe duke kaluar Napolin dhe Milanin për të marrë vetë kryesimin e kampionatit.
Me këtë fitore, skuadra e drejtuar nga Chivu shkon në 33 pikë, një më shumë se Napoli dhe dy më shumë se ekipi i Conte, duke u përgatitur në mënyrën më të mirë për ndeshjen e Superkupës italiane si lider i Serie A.
Në fillim, Genoa rrezikoi me Colombo dhe Vitinha, por pa konkretizuar rastin. Përkundër kësaj, Inter shënoi herët me një aksion në zonë të Bisseck, i cili mposhti Lealin me të majtën në shtyllën e parë në minutën e 6-të. Ky gol hapi lojën dhe i dha avantazh skuadrës zikaltër.
Në minutën e 38-të, Lautaro Martinez dyfishoi rezultatin pas një përplasjeje me Marcandallin dhe goditi saktë me të majtën, duke vulosur dominimin e Interit në pjesën e parë.
Në pjesën e dytë, Inter ul ritmin dhe përpiqet të menaxhojë rezultatin, por Genoa shënon falë një goli të bukur të Vitinhas, i cili mundi Akanji dhe Bastonin. Për të rikthyer qetësinë, Chivu hodhi në fushë Thuram, Mkhitaryan dhe Diouf.
Gronbaek provon Sommer nga një goditje dënimi, ndërsa Thuram rrezikon sërish portën e Lealit me një goditje koke, por nuk arrin të ndryshojë rezultatin.
Në fund, Interi mbyll ndeshjen 2-1 dhe rikthehet në krye të tabelës me një fitore që tregon forcën dhe përgatitjen për sfidat e ardhshme.
REZULTATI:
Genoa 1-2 Inter
Vitinha 68’ / Bisseck 6’, Lautaro 38’
Goli i Bisseck (Video)
Goli i Lautaros (Video)
Goli i Vitinhas (Video)
gijotina.com/
Discussion about this post