Interi ka triumfuar në Torino kundër Juventusit 1-0 me një gol të Calhanoglu me penallti dhe kampionët në fuqi i lëshojnë Milanit sinjalin se janë ata që do luftojnë deri në fund për titullin kampion. Zikaltrit nuk shkëlqyen, por pas 16 ndeshjes i shkaktuan humbjen skuadrës së Max Allegri. Për herë të fundit i kishte mundur Atalanta, në fund të muajit nëntor.
Vrullshëm e nisi ndeshjen Juventusi, që tentoi golin me Vlahovic dhe Morata, kurse Interi u përgjigj me Skriniar pas një goditjeje këndi. Në minutën e zikaltrit panë t’u tronditej traversa nga Chiellini. Shumë me fat Interi, që e mbajti portën të paprekur.
Një minutë para fundit të kohës së rregullt Dumfries u shkel në këmbë dhe u desh ndërhyrja e VAR që të akordohej penallti për Interin. Calhanoglu mori përsipër ekzekutimin dhe Wojciech Szczesny e ndali, por më pas topi shkoi në rrjetë.
Për arbitrin ishte faull, por VAR i shkoi në ndihmë sërish dhe për shkak se De Ligt ishte futur në zonë penalltia duhej rigjuajtur. Turku i Interit nuk gaboi dhe e çoi topin në rrjetë, duke kaluar kampionët në fuqi na avantazh.
Denis Zakaria, pjesën e dytë, në hyrje të zonës goditi fort. Handanovic devijoi topin, që u ndal nga shtylla. Interi më vonë kishte dy mundësi për ta mbyllur ndeshjen, me Vidal që nuk mori topin mirë dhe Correa që goditi mbi tra. Interi e ruajti epërsinë dhe ia doli të merrte tre pikët që e mbajnë në rrugën e duhur për të luftuar për titullin kampion.
Discussion about this post