Milani është rikthyer te fitorja, ndërkohë që Interi nuk është ndalur. Kuqezinjtë mbeten në vendin e parë në klasifikim, pasi mposhtën 2-0 skuadrën e Genoa në një “San Siro” që kishte 70 mijë tifozë të pranishëm.
Skuadra e Stefano Pioli e zhbllokoi ndeshjen në pjesën e parë, që në minutën e 11-të, me anë të Rafael Leao, i cili nuk fali pas një krosimi perfekt të Kalulu. Në fund Milani shënoi edhe golin e qetësisë, me Junior Messias.
Kuqezinjtë ishin vënë në presion edhe nga Interi, që më parë kishte fituar në transfertë kundër Spezia me rezultatin 3-1. Brozovic i ndëshkoi vendasit pas gjysmë ore lojë.
Lautaro Martinez dyfishoi në pjesën e dytë, kurse nga fundi Maggiore ndëshkoi Interin. Gjithsesi kampionët në fuqi të Italisë nuk mund të lejonin t’u ikte fitorja nga duart, pasi Alexis Sanchez shënoi edhe golin e tretë në shtesë.
Discussion about this post